Monday, August 06, 2007

Արուսյակ Օհանյան: Հարյուր ու մեկ

Իմ անցյալի կապկպուկից
Այսօր մի խուրձ հետս վերցրի,
Որ ուղարկեմ «Մոռացություն»։
Այն քաղաք չէ, կամ էլ ավան,
Մոլորակ է, հասցե չունի,
Մտացածին անհայտություն
Եվ տարածք է՝ անկշռելի,
Անչափելի, հասանելի, նաև մոտիկ
Տարածություն լոկ ինձ համար։
Այլ կերպ ասեմ.
Հոգուս համար շոր եմ կարել,
Եվ անհարմար ձև ու չափեր,
Հոգեկոշիկ, հոգեկալեր,
Հոգիս սեղմող հազար բաներ
Մեկ կապոցում լուռ լցրեցի
Ու գնացի «Մոռացություն»։
Հոգուս համար կարած շորը
Դեռ չհագած՝ հետս վերցրի,
Որ հարցնեմ.
«Մոռացությո՜ւն», տես սազո՞ւմ են
Հոգուս նորը,
Վառ գույներն ու լուսավորը»։
«Մոռացություն» մոլորակում
Լուռ գիշեր էր։
Քուն էր մտել իմ պես հարյուր
Մարդու հանած հոգիների
Փեշն ու շորը։
Դե, ի՞նչ արած, որտեղ հարյուր,
Այժմ դարձավ հարյուր ու մեկ,
Հասցե ստացավ «Մոռացություն» մոլորակը,
Ես էլ խաղաղ վերադարձա
Իմ ներկայի դուռն ու բակը։

Օգոստոսի 29, 2005թ.

Copyright Arusyak Ohanyan. Used here by kind permission of the author.

2 comments:

Экзистенциалист said...

Shnorhakal em banastexcutyan hamar. Minchev ayn kardaly (ev yndhanrapes minchev ays kayqy gtnely), asem ankexc, hamozvac ei, vor haykakan poezian voch te xavari, ayl uxxaki vochnchacman mej ei, kam el arden darcel e patmutyun. Shat lavn er banastexcutyuny. Xosqer chkan. Ete sharunakel nuyn tempov, Duq riski eq dimum darnalu im amenakardacvox hexinakneric meky.
Harganqnerov`
Hovhannes

Arevik said...

Hargeli Hovhannes, es Arusyak Ohanyann em, vor mot erku tari arag im stexcagorcutyunneri shurg karciq eiq grel.kuzenayi dzez het xorhrdakcel stexcagorcakan im mi qani voronumneri shurg, huasm im hetaga gorcerov dzez chem hiastapecrel.harganqnerov`Arusyak Ohanyan